Landlæknisembættið - Directorate of Health

08.03.2010

CTD – Algengur sjúkdómur meðal Færeyinga

Landlæknisembættið hefur að undanförnu fengið fjölmargar fyrirspurnir vegna sjúkdómsins CTD (Carnitine Transporter Defect), sem er arfgengur efnaskiptasjúkdómur í Færeyjum. Talið er að um það bil einn af hverjum 1000 Færeyingum fái sjúkdóminn. Annars staðar er hann mun sjaldgæfari og aðeins er vitað um eitt tilvik á Íslandi, en frá árinu 2008 eru nýfædd börn skimuð fyrir sjúkdómnum hér á landi.

Í Færeyjum hefur verið ráðlagt að skima fyrir þessum sjúkdómi óháð einkennum. Er það gert með einföldu blóðprófi. Frændur okkar Færeyingar eru allmargir hér á landi auk Íslendinga sem eru Færeyingar að hluta. Vinnuregla hefur verið að bjóða þeim sem eru Færeyingar í báðar ættir prófið en meta önnur tilvik hvert fyrir sig. Gjald er almennt blóðtökugjald (um 1600 krónur), auk viðtalsgjalds.

  Nánari upplýsingar, einkum ætlaðar heilbrigðisstarfsmönnum. 

Matthías Halldórsson
aðstoðarlandlæknir