Hjúkrunarfræðingur á Líknardeild Landspítala

Hjúkrunarfræðingur óskast til fjölbreyttra og krefjandi starfa í fallegu umhverfi í Kópavogi. Á deildinni starfa um 60 einstaklingar og mikil áhersla er lögð á þverfaglega teymisvinnu. Starfsumhverfið einkennist að miklum faglegum metnaði og góðum starfsanda. Starfshlutfall er samkomulag og vinnufyrirkomulag vaktavinna, með möguleika á auknu umfangi næturvakta. Starfið er laust nú þegar eða eftir samkomulagi.

Boðið er upp á fræðslu og starfsaðlögun með reyndum hjúkrunarfræðingum. Deildin er fyrir tímabundna innlögn sjúklinga með ólæknandi, langt genginn sjúkdóm og skertar lífslíkur. Markmiðið er að bæta lífsgæði sjúklinga og fjölskyldna þeirra. Á deildinni eru 12 legurými og er starfsemin byggð á hugmyndafræði líknarmeðferðar. Áhersla er lögð á fjölskylduhjúkrun og teymisvinnu.

• Hjúkrun, ráðgjöf og stuðningur til sjúklinga og aðstandenda

• Þátttaka í þverfaglegri teymisvinnu

• Íslenskt hjúkrunarleyfi

• Faglegur metnaður

• Jákvætt viðmót og góðir samskiptahæfileikar

• Frumkvæði og sjálfstæði í vinnubrögðum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna